VIDEO / Kina lëshon raketën hapësinore, por ajo rrëzohet pranë qytetit me 800 mijë banorë

Njoftimi për shtyp shtoi gjithashtu se askush nuk u lëndua nga rënia sepse njerëzit u evakuuan nga zona përpara se raketa të testohej.

Një qytet me 800.000 banorë është vënë në rrezik në Kinë, pasi një raketë hapësinore u rrëzua aty pranë, pasi ishte lëshuar aksidentalisht gjatë një testi tokësor.

Sipas Space Pioneer, përplasja ndodhi të dielën kur faza e parë e raketës Tianlong-3 u nda nga baza e lëshimit gjatë testimit, për shkak të një dështimi strukturor dhe ra në zonën kodrinore të qytetit Gongyi në Kinën qendrore.

“Për shkak të një dështimi strukturor të lidhjes midis trupit të raketës dhe platformës së provës, faza e parë e raketës u nda nga platforma e lëshimit. Pas ngritjes, kompjuteri në bord u mbyll automatikisht dhe raketa u rrëzua në malet 1.5 kilometra në jugperëndim të platformës së provës. Trupi i raketës ra në male dhe u shpërbë”, u tha në një deklaratë nga Beijing Tianbing Technology.

Njoftimi për shtyp sqaroi gjithashtu se askush nuk u lëndua nga rrëzimi i raketës sepse njerëzit u evakuuan nga zona përpara se të testohej raketa.

Ky incident ndodhi vetëm disa ditë pasi moduli hënor kinez Chang’e-6 u kthye nga hapësira, ku mblodhi mostrat e para nga ana e largët e hënës.

/a.r

Wow. This is apparently what was supposed to be a STATIC FIRE TEST today of a Tianlong-3 first stage by China’s Space Pioneer. That’s catastrophic, not static. Firm was targeting an orbital launch in the coming months. https://t.co/BY9MgJeE7A pic.twitter.com/L6ronwLW1N

— Andrew Jones (@AJ_FI) June 30, 2024