VIDEO/ Plagosi të riun në Shkodër dhe u largua, gjenden 5 gëzhoja në vendngjarje

Kanë dalë detaje të reja nga plagosja me armë në fshatin Golem në Shkodër.

Burime për gazetarin e Vizion Plus bëjnë me dije se 29-vjeçari Ronaldo Kola ka marrë një plumb në këmbë dhe aktualisht ndodhet në spitalin e Shkodërs jashtë rrezikut për jetën.

Lexo edhe :

Related Posts

Vetë i riu ka deklaruar para policisë se nuk e njeh autorin. Ndërsa burime policore bëjnë me dije se mes të plagosurit dhe autorit Mario Kroni ka patur një konflikt të mbartur.

Kroni ka qëlluar nga një furgon i bardhë, ndërkohë policia është vënë në ndjekje të tij. Gjithashtu gazetari Bepin Kolvata informon se në vendngjarje janë gjetur 5 gëzhoja

Njoftimi:

Rreth orës 17:50, në fshatin “Golem”, dyshohet se  shtetasi M. K., ka plagosur me armë zjarri shtetasin  R. K., 29 vjeç, banues në fshatin Golem.

Shërbimet e Policisë kanë shkuar menjëherë në vendngjarje dhe vijojnë kontrollin në zonë për kapjen  e autorit.

Grupi hetimor në drejtimin e Prokurorisë po punon për zbardhjen  e rrethanave dhe dokumentimin ligjor të rastit. /Vizionplus.tv/