Zjarr në magazinat ushqimore në Fushë Gjorem

Në orët e para të mëngjesit ka rënë zjarr pranë një pike ish-karburanti, në afërsi të fshatit Fushë Gjorem.

Në magazinat e ndodhura në afërsi të pikës së karburantit të mbushura me sasi baze ushqimore, është vënë zjarri, ndërkohë që vijojnë flakët.

Zjarrfikësit e Laçit ndodhen në vendin e ngjarjes dhe po punojnë për izolimin e flakëve. Mësohet se nuk ka rrezik për përhapjen e zjarrit. Shkaqet nuk dihen ende./vizionplus.tv