Da Silva prezantohet te skuadra e re pas largimit nga Partizani

Victor Da Silva, ishte një nga largimet e Partizanit në këtë merkato dimri. Ish-fantazisti i të kuqve tashmë, nuk ka humbur aspak kohë, ndërsa ka gjetur skuadër të re.

Këtë të premte, lojtari brazilian u prezantua në Uzbekistan, te skuadra e Nasaf Qarshi. Këta të fundit, në sezonin e kaluar u shpallën nënkampionë dhe në edicionin e ri, synojnë fitimin e titullit.

Da Silva largohet kështu nga Superiorja, ku përveç Partizanit luajti edhe me skuadrën e Vllaznisë, ku spikati si lojtar.