Gjendet i pajetë brenda banesës në Vlorë një francez

Një shtetas francez është gjetur i pajetë në Vlorë, brenda një banese ditën e sotme.

Dyshimet paraprake janë se francezi ka ndërruar jetë para 3 ditësh për shkaqe natyrale.

Ai është gjetur nga pronari i banesës, i cili ka mbërritur nga Tirana pasi 55-vjeçari francez nuk i është përgjigjur në telefon.

Policia ka mbërritur në vendin e ngjarjes dhe ka nisur punën për zbardhjen e shkaqeve të vdekjes së francezit. /vizionplus.tv