“Ka ikur me dashnoren”, çfarë u gjet në telefonin e djalit që vrau babanë, gazetari: Fotot intime që zbardhën krimin në familje

Durrësi u trondit nga një tjetër krim në familje, ku në fokus është vrasja e kryefamiljarit.

62-vjeçari Enver Balla u vra me armë zjarri nga i biri, Esmerald Balla, i cili pas krimit e hodhi trupin e të atit në pus.

Lexo edhe :

Related Posts

Pas disa ditësh, ai denoncoi rastin në polici, duke pretenduar se ka humbur kontaktet me të atin.

Por si u zbulua ngjarja?

Gazetari i Vizion Plus, Esido Barkaj, i ftuar në emisionin “7pa5” tregoi dinamikës e ngjarjes. Ai theksoi se autori ka deklaruar në polici se dyshon që i ati është larguar nga banesa me një grua që kishte krijuar një lidhje intime, e më pas mund të jetë vrarë nga ajo.

“Sa i takon dinamikës së ngjarjes me datë 13 i ndjeri është raportuar në polici se ka humbur kontaktet me familjarët e tij, ka qenë vetë autori i dyshuar, Esmerald Balla, i cili ka shkuar në policinë e Durrës se babai i tij është zhdukur nga banesa. Sipas tij, babai nuk ka arsye të zhduket nga banesa, madje duke ngritur pretendime se babai mund të jetë larguar nga banesa, për shkak të lidhjeve intime që kishte krijuar gjatë kohëve të fundit. Madje kishte pretenduar se kjo femër, person i cili nuk ekzistonte, sipas policisë, pasi nuk kishte ikur jashtë banesës, por ishte vrarë, mund të ishte autorja e vrasjes së tij”, tha gazetari Barkaj.

Pas këtij denoncimi, autori i ka nisur një mesazh vëllait të tij përmes një llogarie femre në “Instagram”, duke krijuar alibinë se viktima është larguar me të dashurën, njësoj siç edhe kishte dëshmuar në polici.

“I kishte çuar një mesazh duke i thënë mos e kërkoni Enverin, sepse ka ikur për pushime e nuk kthehet më”, tha ai.

Por gazetari Esido Barkaj informon se ishte kontrolli i telefonit të autorit që zbardhi ngjarjen. Në telefonin e tij janë gjetur gjurmë të llogarisë së rreme me të cilën i kishte nisur mesazhin të vëllain, si edhe foto të ndryshme intime.

“Gjatë kontrolli të telefonit të Esmerald Ballës janë gjetur tek fotot e fshira disa foto të femrave, intime, që tregon dhe detajin se i riu frekuenton eskorta, por janë gjetur edhe disa screenshot të profilit të Instagramit të gruas ku pretendohej se i kishte nisur mesazh të vëllait të tij”, shtoi ai.

Barkaj theksoi se djali dhe babai kanë debatuar përpara ngjarjes së rëndë./vizionplus.tv