“Kam thënë vetëm një herë në jetë të dua”, një rrëfim për dashurinë nga Eva Alikaj

“Dy njerëz që duhen duhet të kuptohen me njëri-tjetrin, apo jo?”, është një nga frazat më të njohura të filmit “Hije që mbeten pas”. Shiriti i kthyer i tij është një moment reflektimi mbi dashurinë për Eva Alikajn në studion e “Rudinës”  në Tv Klan.

Aktorja rrëfeu të vetmen herë që i ka thënë dikujt se e dashuron dhe kujton mirë efektin e fjalëve të saj te ai njeri. Por sot, a i përket dikujt zemra e saj?

Eva Alikaj: Nuk është gjithmonë ajo fraza, nuk ndodh që dy njerëz që duhen, duhet të kuptohen me njëri-tjetrin. Unë nuk jam kuptuar kur kam dashur, ma merr mendja edhe shumë njerëz të tjerë… ndodh. Përkufizimi i dashurisë… Unë nuk jam shumë në të shprehur… shumë romantike. Di që kam thënë vetëm një herë, i kam thënë dikujt që “unë të dashuroj ty” dhe pashë te ai njeri… se  ç’ndodhi dhe kam përshtypjen që aty ka qenë një moment që atë personin tjetër e kam rrëzuar. Aty kuptova forcën e asaj që thashë sepse vërtet isha e dashuruar. E kam thënë këtë në një kohë që nuk thuhej dhe unë isha e ndrojtur, nuk është se lëshoja fjalë, nuk jam ekstroverte, unë jam introverte por këtë e thashë sepse ishte një gjë e brendshme që duhet ta thoja dhe ishte shumë e bukur saqë mendova uau si e paskam thënë kështu!

Rudina Magjistari: Ndoshta është kjo, momenti kur s’arrin dot t’i shpjegosh gjërat është pikërisht ky bllokimi ndoshta për t’u shprehur dhe ndjenja është shumë  e fortë.

Rudina Magjistari: Aktualisht, sot që flasim je e dashuruar?

Eva Alikaj: Po thashë “jo” do të më shkruajnë shumë në Facebook.

/a.r