Masakroi të dashurën 56-vjeçare, dënohet me burgim të përjetshëm ish-futbollisti

56-vjeçarja Alessandra Matteuzzi vdiq tragjikisht më 23 gusht 2022, kur u rrah për vdekje me çekiç dhe sende të tjera, duke përfshirë një shkop bejsbolli, nga ish-partneri i saj 27-vjeçar, Giovanni Padovani, një ish-futbollist në Itali . Futbollisti, i cili luajti për një kohë si qendërmbrojtëse në Sancataldese, rrëmbeu me makinë Alessandra Matteuzzin jashtë shtëpisë së saj në Bologna, Italia veriore.

Ditën e djeshme, një gjykatë italiane në Bolonja e dënoi futbollistin me burgim të përjetshëm. Sipas mediave lokale, çifti kishte rreth një vit së bashku, por ata kaluan periudha të gjata në lidhjen e tyre të ndarë, pasi Alessandra jetonte në Bolonjë, ndërsa Padovani punonte si futbollist dhe model në Siçili.

Gjyqtari Domenico Paschiarello, i cili shpalli dje dënimin e Padovanit, vuri në dukje se ngacmimi sistematik i viktimës si dhe natyra e paramenduar e sulmit ishin faktorë rëndues.

I pandehuri thuhet se u përpoq të pretendonte se nuk ishte në gjendjen e duhur mendore në momentin e sulmit.

“Nëse do të isha plotësisht i arsyeshëm dhe kompetent, meritoja një dënim të përjetshëm . Por nëse mendoni se kishte diçka jonormale në sjelljen time, atëherë jo. Nuk isha mirë, sepse njeriu që është mirë nuk vret një tjetër. Jam në një makth, pendimi im është një barrë më e rëndë se burgu”, tha ai.

Si ndodhi vrasja?

Alessandra ishte në telefon me motrën e saj, Stefania, e cila dëgjoi britmat e saj ndërsa Pantovani filloi ta rrihte. Sipas Daily Mail, 28-vjeçari filloi sulmin brutal, duke përdorur një çekiç dhe grushta, përpara se të godiste gruan me një shkop bejsbolli dhe një stol që kishte rrëmbyer nga një kopsht pranë banesës së 56-vjeçares.

Motra e viktimës përshkroi për një radiostacion momentet e tmerrshme që përjetoi, duke dëgjuar në telefon Alessandrën duke u sulmuar pa mëshirë.

“Ajo doli nga makina e saj dhe filloi të bërtiste:“Jo Giovanni, jo, po të lutem”. Menjëherë thirra policinë, e cila mbërriti në një kohë të shkurtër”, tregoi ajo.

Alessandra u dërgua në spital me lëndime të rënda, por më vonë ndërroi jetë si pasojë plagëve të marra. /vizionplus.tv