Mexico City, 22 milionë banorë vuajnë mungesën e ujit

Mexico City, një metropol gjigant me afro 22 milionë banorë, një nga qytetet më të mëdha në botë, po përballet me një krizë serioze të ujit pasi probleme të ndryshme si gjeografia, zhvillimi kaotik urban dhe infrastruktura përkeqësohen nga efektet e ndryshimeve klimatike.

Vitet e reshjeve jashtëzakonisht të ulëta, periudhat më të gjata të thatësisë dhe temperaturat e larta kanë shkaktuar shqetësim për një sistem uji që tashmë po mundohet të përballojë kërkesën në rritje. Autoritetet u detyruan të vendosnin kufizime të konsiderueshme për ujin e nxjerrë nga rezervuarët.

“Shumë lagje kanë vuajtur nga mungesa e ujit për javë të tëra dhe kanë mbetur edhe katër muaj deri në fillimin e reshjeve,” tha Cristian Dominguez Sarmiento, një shkencëtar klimatik në Universitetin Kombëtar Autonom të Meksikës.

Rreth 60% e ujit të qytetit të Meksikos vjen nga nëntoka, por ai është aq i tepërt sa qyteti po fundoset me një shpejtësi alarmante, rreth 50 cm në vit, sipas një studimi të fundit. Pjesa tjetër e ujit të qytetit pompohet në distanca të gjata nga burime jashtë qytetit, në një proces joefikas, në të cilin rreth 40% e ujit humbet./vizionplus.tv/