Njëri dhunoi kunatin dhe nënën, tjetri të dashurën, dy të arrestuar në Tiranë

Dy persona janë arrestuar në Tiranë, pasi janë denoncuar se kanë ushtruar dhunë.

Në një njoftim për mediat, policia bën me dije se efektivët e komisariatit nr.4 kanë arrestuar një 34-vjeçar, pasi kishte ushtruar dhunë ndaj kunatit dhe nënës së tij.

“R. L., 34 vjeç, banues në Tiranë, pasi dyshohet se ka ushtruar dhunë ndaj kunatit dhe nënës së tij”, njofton policia.

Gjithashtu specialistët për Hetimin e Krimeve në Komisariatin e Policisë Nr. 6 arrestuan shtetasin E. D., 29 vjeç, banues në Vlorë, pasi dyshohet se ka ushtruar dhunë ndaj të dashurës së tij./vizionplus.tv