Paralajmëron Putin: Nëse Perëndimi lejon Ukrainën të përdorë armë me rreze të gjatë brenda territorit rus, do të përgjigjemi

Presidenti rus Vladimir Putin ka paralajmëruar se Moska do të përdorë “një spektër përgjigjesh” nëse SHBA dhe NATO lejojnë Ukrainën të përdorë armë me rreze të gjatë perëndimore për të goditur objektivat thellë brenda territorit rus.

“Ministria ruse e Mbrojtjes po shqyrton se si t’i përgjigjet sulmeve të mundshme me rreze të gjatë brenda territorit rus, do të japë një sërë përgjigjesh”, i tha Putin gazetarit të televizionit shtetëror rus Pavel Zarubin, sipas një video të postuar në llogarinë e tij Telegram.

SHBA deri më tani ka refuzuar të lejojë Ukrainën të godasë objektivat thellë brenda territorit rus me armët që ajo furnizon, nga frika e një përshkallëzimi që mund të çojë në konflikt të drejtpërdrejtë midis Moskës dhe Uashingtonit.

Në shtator, Putin paralajmëroi përsëri se nëse Perëndimi lejon që Ukraina të godasë territorin rus me raketa me rreze më të gjatë veprimi, kjo do të thotë se “vendet e NATO-s janë në luftë me Rusinë”.

“Kjo do të ndryshojë vetë natyrën e konfliktit”, kishte theksuar ai. /vizionplus.tv