Policia italiane godet grupin e trafikantëve të drogës, 10 të arrestuar, 4 prej tyre shqiptarë

ITALI – Dhjetë persona me kombësi shqiptare, marokene dhe algjeriane, të cilët akuzohen për trafikim të lëndëve narkotike, veçanërisht kokainë dhe hashash, u arrestuan ditën e sotme gjatë një operacioni të zhvilluar në orët e para të mëngjesit në Fermo.

Hetimet

Hetimet nisën në dimrin e vitit 2022 nga Departamenti Operativ, Njësia Hetimore Fermo, nën drejtimin e Prokurorisë vendase. Pas hetimeve gati dy vjeçare u bë i mundur identifikimi dhe çmontimi i shoqatës kriminale, e dedikuar në tregtimin e sasive të mëdha të kokainës.

Grupi kriminal, i përbërë nga të paktën 18 persona, me qendër në këtë krahinë, furnizonte me lëndë narkotike (kokainë dhe pjesërisht edhe hashash) blerës të shumtë në zonë.

Për të shmangur zbulimin, tregtart e drogës përdornin metoda të sofistikuara shitjeje. Kishte raste kur “pakot” e drogës u shkonin blerësve deri në shtëpi.

Arrestimet

Nga 18 të dyshuarit, 4 shqiptarë (43, 39, 38 dhe 32 vjeç me banim të gjithë në Porto Sant’Elpidio) dhe 2 marokenë (27 dhe 21 vjeç me në Torre San Patrizio) përfunduan në burg. Një grua marokene u la në arrest shtëpie.

Ndërsa tre alegjerianë janë përzënë nga provinca e Fermos. Tetë personat e tjerë, pesë italianë dhe dy alegjerianë po vijojnë hetimet në gjendje të lirë.

Policia italiane vijon hetimet për të identifikuar personat e tjerë të përfshirë në këtë veprimtari./vizionplus.tv