Presidenti egjiptian porpozon armëpushim dy-ditor në Gaza

Presidenti egjiptian Abdel Fattah al-Sisi ka propozuar shpalljen e një armëpushimi dy-ditor në Rripin e Gazës për të liruar disa nga pengjet e mbajtura në enklavën palestineze, me hyrjen e luftës midis Izraelit dhe Hamasit në muajin e saj të 13-të.

Sisi, vendi i të cilit është ndër ndërmjetësit midis lëvizjes palestineze dhe Izraelit, propozoi nga Kajro “një armëpushim dy-ditor gjatë të cilit do të lirohen katër pengje në këmbim të të burgosurve (palestinezë)” në Izrael.

Ky do të ishte një kusht për fillimin pas më pak se dhjetë ditë negociatash për të arritur një armëpushim të plotë dhe hyrjen e ndihmave humanitare në Rripin e rrethuar të Gazës, popullsia e të cilit po përballet me një fatkeqësi humanitare, shtoi ai.

Presidenti egjiptian nuk tha nëse ai ia ka paraqitur planin e tij Hamasit dhe Izraelit, ushtria e të cilëve nisi sulmet kundër Iranit të shtunën dhe vazhdon të bombardojë Gazën dhe Libanin. /vizionplus.tv