Një zjarr masiv përfshiu masivin pyjor me dushqe e pishë të zezë në fshatin Kloskatund të Bashkisë së Klosit.
Vatra e zjarrit u aktivizua pasditen e së dielës ndërsa u ndërhy menjëherë nga Shërbimi Zjarrfikës dhe ai pyjor i Bashkisë Klos, duke e neutralizuar.
Por për shkak të erës së fortë zjarri është riaktivizuar gjatë orëve të natës.
Pas disa orësh luftë me flakët zjarrfikësit e Klosit, të shërbimit pyjor dhe banorë të zonës arritën ta fiknin.
Ndërkohë policia dhe grupi hetimor mbërriti në vendndgjarje për të zbardhur rrethanat e aktivizimit të këtij zjarri.
Nga hetimet e shpejta, policia ka shoqëruar një 22 vjeçar dhe proceduar më pas në gjendje të lirë, banorë të fshatit nën akuzën e zjarrvënies së pronës publike.