Ministria e Mbrojtjes: Rreth 6500 vullnetarë rekrutohen në Ukrainë çdo muaj

Ministria e Mbrojtjes e Ukrainës (MM) njoftoi se mesatarisht 6500 vullnetarë rekrutohen në të gjithë vendin çdo muaj.

Sipas njoftimit, aktualisht, 10 mijë vende vakante në Forcat e Armatosura janë të hapura për ukrainasit.

Siç shtohet, vullnetarë mund të rekrutohen në të gjitha strukturat e Forcave të Armatosura,Garda Kombëtare, Shërbimi i Sigurisë së Ukrainës, Shërbimi Kufitar Shtetëror, etj.

“Treguesit e rekrutimit në Forcat e Armatosura po rriten muaj pas muaji. Mesatarisht në vend rekrutohen 6.5 mijë vullnetarë çdo muaj. Mbi 10 mijë vende të lira janë në dispozicion për qytetarët: kuzhinierë, riparues, avokatë, operatorë drone, mjekë etj. ”, tha përfaqësuesi i autorizuar i Ministrisë së Mbrojtjes për çështje të rekrutimit, Alexij Bezevec.

Më 11 qershor, Ministria e Mbrojtjes hapi një faqe interneti për reklamimin e vendeve vakante në Forcat e Armatosura të Ukrainës, duke ofruar një sërë pozicionesh.

Ministria tha se falë kësaj nisme, numri i vullnetarëve në ushtri është rritur në krahasim me fundin e vitit 2023