Si të vini në formë nëse zgjoheni të lodhur nga gjumi

Mund të na ketë ndodhur shpesh që pasi jemi zgjuar në mëngjes të kemi qenë sërish shumë të lodhur dhe pa energji fare. Por, pse ndodh kjo? Më poshtë janë të listuara disa nga arsyet.

Lodhje

Ka shumë kushte që shkaktojnë lodhje, por ato jo domosdoshmërisht i bëjnë njerëzit të ndihen sikur janë gati të bien në gjumë. Këto mund të përfshijnë gjendje kronike të dhimbjes, gjendje metabolike ose tiroide, anemi dhe sëmundje kronike obstruktive pulmonare.

Për më tepër, ekspertët thonë se se të rriturit e shëndetshëm kanë nevojë për shtatë deri në nëntë orë gjumë gjatë natës, kështu që mund t’ju duhen më shumë se tetë orë gjumë për t’u ndjerë me energji.

Ankthi ose depresioni

Të kesh ankth ose depresion mund të ndikojnë negativisht në kohën e nevojshme për të fjetur, si dhe sa herë zgjoheni gjatë natës. Dhe ndonjëherë medikamentet e përdorura për të trajtuar depresionin ose ankthin mund të kenë efekte anësore si pagjumësia.

Gjumi i paqëndrueshëm

Ndonjëherë oraret tona ndryshojnë gjatë ditëve të javës kundrejt fundjavave. Oraret gjithashtu mund të luhaten për njerëzit me punë me turne.

Mjedisi ose rutina e keqe e gjumit

Të kesh higjienë të mirë të gjumit përfshin mbajtjen e dhomës së gjumit të errët, të qetë dhe të ftohtë gjatë natës. Shmangni konsumimin e pijeve me kafeinë më pak se gjashtë orë para gjumit; dhe kufizoni konsumin e alkoolit dhe ushqimeve të rënda ose pikante të paktën dy orë para gjumit. Alkooli mund të parandalojë fazat më të thella të gjumit, dhe ushqime të tilla mund të shkaktojnë probleme me tretjen që ndërhyjnë në gjumin restaurues.

Çrregullime të gjumit

Çrregullimet e gjumit janë një tjetër faktor që mund të ulë në mënyrë dramatike cilësinë e gjumit. Dikush me apnea gjumi mund të zgjohet 50 herë, 100 herë ose edhe më shumë gjatë gjithë natës. Çrregullime të tjera të gjumit që mund të ndikojnë në nivelet e përditshme të energjisë përfshijnë narkolepsinë dhe sindromën e këmbëve të shqetësuara.