Tragjedi! Nëna dhe motra e Mariah Carey vdesin në të njëjtën ditë

Mariah Carey po përjeton një tragjedi të madhe familjare. Në të njëjtën ditë, fundjavën e kaluar, vdiq edhe nëna dhe motra e saj, Patricia dhe Alison .

Shkaqet e vdekjes së tyre nuk janë bërë të ditura, por këngëtarja 55-vjeçare bëri një reagim:

“ Zemra ime është thyer sepse fundjavën e kaluar humba nënën time. Dhe për fat të keq, në një ironi tragjike të fatit, po atë ditë vdiq edhe motra ime. Unë e vlerësoj dashurinë dhe mbështetjen e të gjithëve dhe respektin tuaj për dëshirën time për të qëndruar jashtë vëmendjes gjatë kësaj kohe të vështirë .’

Siç shtoi ajo: Ndihem e bekuar që pata mundësinë të kaloj me nënën time javën e fundit të jetës së saj.

Ajo kishte një marrëdhënie të komplikuar me nënën dhe motrën e saj , të cilën ajo e përshkroi në autobiografinë e saj, The Meaning of Mariah Carey . Për nënën e saj, në veçanti, ajo shkroi: ” Udhëtimi im me të ishte plot kontradikta. Nuk ishte kurrë bardh e zi, por një ylber emocionesh. Marrëdhënia jonë ishte një varg i vështirë krenarie, dhimbjeje, turpi, mirënjohjeje, xhelozie, admirimi dhe zhgënjimi .’

Të paktën me nënën e saj, e cila ishte një këngëtare opere, ajo më në fund arriti të pajtohej – ata madje kënduan së bashku në vitin 2010, në një shfaqje televizive për Krishtlindje. Në një intervistë të mëparshme, Carey tha se ishte ajo që e inkurajoi të ndiqte ëndrrat e saj, por nuk e shtyu kurrë ./vizionplus.tv