Vjen “Albania’s Got Talent”, spektakli i rekordeve nis të hënën në mbrëmje në ekranin e Vizion Plus

“Albania’s Got Talent” spektakli i rekordeve televizive, i cili bën bashkë në një rrugëtim magjik talente nga i gjithë vendi dhe jo vetëm, do të ndezë dritat e skenës nga kjo e hënë.

Një sezon i tërë episodesh, ku secili prej tyre premton emocione, surpriza e mbi të gjitha spektakël, pa kufij moshe apo talenti, është gati të nis transmetimin në ekranin e televizionit kombëtar Vizion Plus.

Interpretues të grupmoshave të ndryshme, janë thirrur për të treguar talentin e tyre përmes këngës, numrave të shpejtësisë, baletit, cirkut, aktrimit e plot befasive të tjera, që do t’ju mbajnë të mbërthyer para ekranit.

Kjo fazë është paraprirë nga audicionet në të gjitha qytetet e vendit, dhe tani eshte momenti ku kandidatët dalin përpara një jurie profesioniste. Nën gjykimin e tyre konkurrentët do të kalojnë ne gjysme-finalet e drejtpërdrejta, ku ai që do të vendose do të jetë publiku.

Talent-show i rekordeve qe premton te jetë më i ndjekur në Shqipëri i është besuar moderatorit të njohur Isli Islami, në një rikthim që dë shmon të jetë vetëm sukses.

“Ne do të sjellim një atmosferë shumë të mirë. Më në fund në prime-time do të kemi një spektakël. Një show që është për gjithë familjen. Do të shohim talente që nuk na kishte shkuar ndonjëherë në mendje që mund t’i bëjnë njerëzit. Mund të them edhe që do qajmë, do ketë mesazhe të bukura, emocione të vërteta”, tha Isli Islami, moderator.

Produksioni i Vizion Plus me regji të Altin Agos vjen nën adoptimin e autorit Eraldo Rexho, me misionin për të pohuar se Shqipëria ka talente.

“Albania’s Got Talent” vetë formula është një formulë surprizuese. Ti kurrë nuk e di se çfarë do të vijë në skenë, nuk e di se cila është supriza që do të shoqërojë performuesin. Do të jetë një surprizë e bukur për gjithë shikuesit. Kemi takuar nga afër talentët dhe jemi vërtetë të lumtur për atë që do të sjellim në skenë”, tha Eraldo Rexha, autor.

“Got Talent” është formati që zhvillohet në më shumë se 30 vende të botës, por në Shqipëri vjen vetëm përmes televizionit Vizion Plus. Ndaj mos e humbisni këtë sezon fantastik të “Albania’s Got Talent”, çdo të hënë në orën 21:00. /vizionplus.tv