Zjarr në një pallat në Korçë, banorët në panik

Zjarr në ambientet e brendshme të një pallati 8 katësh në lagjen nr 4 të qytetit të Korçës. Banorët thonë se janë përfshirë nga paniku pasi pallati pothuajse i gjithi, në veçanti katet e larta janë mbuluar nga tymi që vinte nga kati i dytë i këtij pallati nga një ambient i përbashkët.

Në kushte të tilla të gjithë banorët kanë qenë të detyruar të dalin jashtë pasi rrezikoheshin nga asfiksimi.

Nga ana e shërbimit zjarrfikës bëhet me dije se zjarri mendohet të ketë rënë në një ambient të përbashkët të katit të dytë aty ku kalojnë të gjithë tubacionet e pallatit, përfshi ato të energjisë elektrike, të ujit të pijshëm dhe tubacionet e tjera.

Zjarri ka përfshirë objekte që duket janë lënë nga banorët dhe me pas kanë shpërthyer tubat e ujit të pijshëm duke shkaktuar probleme të tjera për banorët

Ka qënë I menjëhershëm reagimi i shërbimit zjarrfikës dhe punojësve të OSSHE të cilët kanë bërë të mundur izolimin e flakëve si dhe kanë bërë shkëputjen e energjisë elektrike

Banorët tregojnë për momentet e panikut kur pallati është “mbytur” nga tymi duke krijuar dhe probleme për ta dhe fëmijët e tyre.