Vrasja e Edmond Papës, prokuroria përfundon hetimet, çon për gjykim dosjen për dy të akuzuarit

Prokuroria e Tiranës përfundoi hetimet dhe dorëzoi në gjykatë dosjen penale ndaj Andrea Bodes dhe Albano Velos, të dyshuar për vrasjen e Edmond Papës në Tiranë.

Ndaj dy të pandehurve rëndon akuza e vrasjes me paramendim. Papa dyshohet se u vra në shenjë hakmarrje për vrasjen e Aleksandër Sadikaj i njohur si Sanço, gjatë një atentati me minë të telekomanduar.

Prokuroria ndërkohë ka ndarë një procedim penal për të identifikuar personat e tjerë të përfshirë në vrasjen e Papës./vizionplus.tv