Vritet kandidati për kryetar bashkie në Meksikë dhe 5 persona të tjerë

Kandidati për kryetar bashkie Lucero Lopez Maza dhe pesë persona të tjerë u vranë pas të shtënave me armë gjatë një fushate në qytetin La Concordia në shtetin jugor meksikan të Chiapas.

Përveç kësaj, dy persona janë plagosur, tha Zyra e Prokurorit të Përgjithshëm të Chiapas.

Dhuna politike është rritur në të gjithë vendin ndërsa Meksika po shkon drejt zgjedhjeve të saj më të mëdha në histori më 2 qershor.

Zyra e Prokurorit të Përgjithshëm tha se mes viktimave ishte një e mitur.

Hetimet vijojnë ndërsa policia po punon për identifikimin dhe lokalizimin e autorëve.

Dhuna ka qenë në rritje në shtetin jugor, i cili kufizohet me Guatemalën, pasi kartelet luftojnë për të dominuar rrugët e kontrabandës së drogës./vizionplus.tv