Zelensky: Do të luftojmë kundër pushtimit rus, edhe nëse aleatët nuk e mbështesin “planin e fitores”

Volodymyr Zelensky tha sot se Ukraina do të vazhdojë të luftojë kundër pushtimit të Rusisë edhe nëse aleatët perëndimorë të Kievit nuk pranojnë të mbështesin “planin e tij të fitores”.

Zelensky, i cili po viziton Brukselin për të paraqitur planin e tij te udhëheqësit evropianë, tha se Kievi do të vazhdojë gjithashtu përgatitjet për një samit të dytë të paqes.

Inteligjenca ukrainase ka informacione sipas të cilave disa oficerë nga Koreja e Veriut tashmë janë vendosur në territoret ukrainase të pushtuara nga Rusia, shtoi presidenti ukrainas.

Ai tha gjithashtu në një konferencë për shtyp në Bruksel se Koreja e Veriut po përgatitet të dërgojë një total prej 10,000 trupash për të luftuar kundër Ukrainës. /vizionplus.tv