Aksident i rëndë në Itali, dy të vdekur dhe gjashtë të lënduar

Një aksident i rëndë rrugor ka ndodhur në Piacenza në autostradën A1 mëngjesin e sotëm pak para orës 08:00 me pasojë dy të vdekur, një i lënduar rëndë dhe pesë të tjerë në gjendje më pak të rëndë.

Në kilometrin 56, përgjatë korsisë veriore, një makinë dhe të paktën dy mjete të rënda janë përplasur, ndoshta për shkak të mjegullës.

Në vendngjarje ndodhen forcat zjarrfikëse të Piacenza dhe 118 automjete, së bashku me patrullat e policisë rrugore dhe stafin teknik të Autostrade.

Aksidenti pati pasoja të rënda në trafik me mbylljen e atij seksioni dhe devijimin e fluksit të makinave.

Autostrade per l’Italia ka njoftuar mbylljen e përkohshme të seksionit midis kryqëzimit me A21 dhe Basso Lodigiano drejt Milanos. Në vendin e ngjarjes, trafiku aktualisht qarkullon në dy korsi dhe ka të paktën një radhë shtatë kilometra drejt Milanos. /vizionplus.tv