Trump bisedë telefonike me Putin, çfarë i kërkoi për luftën në Ukrainë

Presidenti i sapozgjedhur i SHBA-ve Donald Trump ka zhvilluar një bisedë telefonike me homologun e tij rus, Vladimir Putin.

“Washington Post” raporton se gjatë bisedës telefonike Trump i ka kërkuar Putinit që të mos përshkallëzonte luftën në Ukrainë.

Burime konfidenciale bëjnë me dije se Trump i ka kujtuar Putinit fuqinë e konsiderushme ushtarake amerikane që ndodhet në Europë.

Kujtojmë që një nga premtimt e Donald Trump gjatë fushatës elektorale ishte dhe dhënia fund e luftës në Ukrainë. Mbetet për tu parë në ditët në vijim se cila do të jetë zgjidhaj që do të japë Donald Trump.

Ndwrkohw sipas raportimeve të mediave, Trump kishte folur edhe me presidentin ukrainas Volodymyr Zelenskiy të mërkurën.

Të premten, Kremlini tha se Putin ishte gati të diskutonte Ukrainën me Trump, por kjo nuk do të thotë se ai ishte i gatshëm të ndryshonte kërkesat e Moskës.

/Vizionplus/