BE konsideron trajnimin e forcave ukrainase brenda vendit

Ministrat e Mbrojtjes të Bashkimit Evropian diskutuan dje për trajnimin e forcave ukrainase brenda vendit, por nuk arritën një qëndrim të përbashkët për këtë temë të ndjeshme, tha kreu i diplomacisë evropiane, Josep Borrell.

Blloku evropian tashmë ka një mision për të trajnuar ushtarët ukrainas, por ai zhvillohet në vendet e BE-së.

Në shkurt, Franca tha se Perëndimi nuk duhet të përjashtojë mundësinë e vendosjes së trupave në Ukrainë dhe sugjeroi se trajnimi mund të jetë një rol i mundshëm.

Lëvizja u mbështet nga Polonia dhe vendet baltike, por mërziti vende të tjera evropiane si Gjermania, e cila shprehu frikën se rrit mundësinë e konfliktit të drejtpërdrejtë me Rusinë.

Të hënën, komandanti i përgjithshëm i Ukrainës tha se kishte nënshkruar dokumente që lejonin instruktorët ushtarakë francezë të vizitojnë qendrat e stërvitjes ukrainase së shpejti. /vizionplus.tv