.png){kind=spacer}
9 months ago
10
Të paktën 112 persona kanë humbur jetën nga zjarret në rajonin Valparaiso të Kilit, kanë thënë autoritetet lokale.
Gabriel Boriç shpalli gjendjen e jashtëzakonshme dhe tha se do të vinte në dispozicion “të gjitha burimet e nevojshme” për të trajtuar situatën.
Besohet se është zjarri më vdekjeprurës i regjistruar në pyje në Kili. Shumë prej të prekurve po vizitonin rajonin bregdetar gjatë pushimeve verore.
Një alarm shëndetësor u vendos në Valparaiso nga ministria e Shëndetësisë.
Studentët e mjekësisë që janë afër përfundimit të studimeve të tyre do të punësohen për të ndihmuar në lehtësimin e presioneve ndaj shërbimit shëndetësor, njoftoi ministria në të njëjtën deklaratë.
Shërbimet e shpëtimit kanë luftuar për të arritur në zonat më të prekura dhe Ministrja e Brendshme Carolina Tohá tha se numri i të vdekurve do të “arrinte shifra shumë më të larta” në orët e ardhshme.
Qeveria kiliane u ka bërë thirrje njerëzve që të mos udhëtojnë në zonat e goditura nga zjarret.
Një 61-vjeçar banor nga El Olivar e përshkroi kalvarin si “ferr”.
Duke folur për agjencinë e lajmeve AFP, Rodrigo Pulgar tha se ai u përpoq të ndihmonte fqinjin e tij, por më pas kuptoi se shtëpia e tij kishte filluar të digjej.
“Hiri po binte mbi ne,” shtoi zoti Pulgar.
Ai shpjegoi se shumica e banorëve në El Olivar janë njerëz të moshuar dhe tha se fqinji i tij vdiq sepse nuk mund ta nxirrnin jashtë.
Ministria e Strehimit tha se midis 3,000 dhe 6,000 shtëpi u prekën nga zjarret.
Të shtunën, u vendos një shtetrrethim për banorët në Viña del Mar, Limache, Quilpué dhe Villa Alemana.
Rreth 1,400 zjarrfikës janë vendosur të dielën në zonat e prekura, tha ministri i Brendshëm në një fjalim drejtuar kombit.
Përkrah shërbimeve të urgjencës janë vendosur edhe efektivë ushtarakë dhe po hetohet për shkakun e zjarreve.
Vitin e kaluar, rajonet e Biobío dhe Ñuble, më në jug nga Valparaíso, pësuan zjarre vdekjeprurëse, të cilat duket se po bëhen më të shpeshta dhe vdekjeprurëse./vizionplus.tv
English (US) ·