“Broja thyen rekordin tim, Sylvinho qëndron”/ Erjon Bogdani “skanon” Shqipërinë e Euro 2024

Erjon Bogdani, golashënuesi më i mirë në historinë e kombëtares shqiptare iu përgjigj disa pyetjeve pikante në Euro Cup Nights, emision që transmetohet në Vizion Plus dhe Tring.

I pyetur nga moderatorja Vilma Masha se si ndihet për këtë rekord që deri më tani nuk e ka thyer asnjë njeri, Bogdani tha: “Ndihem mirë dhe krenar për atë që kam bërë, por rekordet janë bërë për tu thyer. Kur e shikojmë kombëtaren në Europian na bën krenar dhe ta shohim sa më shumë në këto eveniment”.

Skanimi i Bogdanit për Shqipërinë në Euro 2024:

• Si do ta konsideronit aventurën e Shqipërisë në Euro 2024?

Shumë pozitive nga të gjitha drejtimet, nga futbolli dhe atmosfera

• A kishit pritshmëri për më shumë nga Shqipëria?

Më shumë pritshmëri kisha në ndeshjen me Italinë, ndërsa me Spanjën dhe Kroacinë ka luajtur shumë mirë

• Nga 1 tek 10 , çfarë note do t’i vinit Silvinjos për mënyrën sesi menaxhoi kombëtaren në Gjermani?

8 dhe për vazhdimësinë…

• Cili është lojtari që ju befasoi për mirë nga kombëtarja jonë?

Gjimshiti. Edhe kur u bë formaciuoni i grupit me Spanjën, Italinë dhe Kroacinë, Gjimshiti ishte më i miri i grupit

• Cili është futbollosti i kombëatres nga i cili kishit pritshmëri më të madhe?

Asllani…

• Cili nga këta 3 lojtarë, Bare, Uzuni, Cikalleshi do ta merrnit me patjeter në Euro 2024?

Cikalleshin…

• Cili është sulmuesi që ju ngjan më shumë nga sulmuesit aktuale, Broja, Daku apo Manaj?

Broja…

• Cili është lojtari që nga grupi actual që do të bëjë sipas jush lëvizjen më të rëndësishme në merkaton e verës?

Mitaj. Tek Juve jo, por ndonjë ekip tjetër. Tek Bologna

• Me thoni një talent shqiptar, të ri, në Itali që sipas jush duhet mbajtur në vemendje?

Janë dy vëllezërit Shpendi…

• Më mirë Shqiperia e 2016 apo kjo e 2024?

Pyetje e vështirë sepse grupi ishte i vështirë. Por në 2016 Shqipëria fitoj ndaj Rumanisë edhe ky një grup i vështirë

• De Biazi apo Silvinjo?

E vështirë…De Biazi dhe Silvinjo i kanë marrë maksimumin kombëtares dhe grupit. Dy skuadra të ndryshme

• Jeni për trajner shqiptar në kombëtare apo të huaj?

Duhet të vazhdojë Sylvinio. Është trajner i zoti dhe e ka shtyrë Shqipërinë në këto evenimente

• Silvinjo duhet të rinovoje apo jo?

Duhet të vazhdojë me atë punë që ka bërë./vizionplus.tv