Bulqizë, mbi 20 persona në spital, dyshohet të helmuar

Mbi 20 persona janë paraqitur sot në spitalin e Bulqizë për të marrë ndihmë mjekësore pasi kanë shfaqur shenja helmimi.

Sipas informacioneve të para, dyshohet se ata janë helmuar nga uji i pijshëm.

Ende nuk ka një reagim zyrtar, ndërsa nuk dihet gjendja e tyre.

‘Komisariati i Policisë Bulqizë, ka marrë njoftim se disa shtetas banorë të bashkisë Bulqizë, ishin paraqitur në spital për ndihmë mjekësore me simptoma helmimi.

Me marrjen e njoftimit është ngritur grupi hetimor dhe nën drejtimin e Prokurorisë kanë nisur hetimet për zbardhjen e rrethanave dhe përcaktimin e shkakut të helmimit.

Në përfundim të hetimeve, do të ketë informacion më të detajuar.’, thuhet në njoftimin e policisë.