Emigrantët vlerësojnë vizitën, presin nga kryeministri Rama t’i jepet zgjidhje çështjes së pensioneve

Mijëra shqiptarë që jetojnë dhe punojnë në Greqi kishin ardhur nga zona të ndryshme të vendit fqinj për tu bërë pjesë e takimit të kryeministrit Edi Rama në Athinë. Ata nuk e fshehën entuziazmin për këtë tubim.

“Është kënaqësi sidomos për ne këtu që ndjeheshim shumë të vetmuar. Këtë që bëri sot duhet ta kishte bërë më parë”.

“Morëm gjithçka. Hera e parë që po e shikoj, është shumë gjigant”.

Prania e Ramës mes emigrantëve është parë nga këta të fundit jo thjesht si një shenjë mbështetjeje për ta, por edhe si një mundësi për të diskutuar problemet që hasin.

E pas marrëveshjes historike me palën italiane për njohjen e pensioneve, edhe emigrantët shqiptarë në Greqi kishin të njëjtën kërkesë dhe jo vetëm.

“Për lejet e qëndrimit këtu dhe pesnionet, këto janë dy gjërat kryesore”.

“Për punën e pensioneve, asgjë tjetër dhe të rregullojnë miqësinë”.

“Vetëm për dokumente”.

“Drejtësia për punën e pronave.”

Mijëra pjesëmarrës në tubimin e sotëm zgjodhën ta përcillnin atmosferën festive përmes flamujve, banderolave e sigurisht edhe përmes fotografive në rrjetet sociale. /vizionplus.tv