.png){kind=spacer}
Shumë të krishterë ortodoksë ukrainas po përgatiten të festojnë Krishtlindjet më 25 dhjetor për herë të parë këtë vit.
Ukraina ka përdorur tradicionalisht kalendarin Julian, i përdorur edhe nga Rusia, ku Krishtlindjet bien më 7 janar.
Në një zhvendosje nga Rusia, vendi tani po shënon Krishtlindjet sipas kalendarit perëndimor – ose gregorian – të cilin e përdor në jetën e përditshme.
REUTERS/ Besimtarët ortodoksë në prag të Krishtlindjes në Manastirin e Shën Mëhillit me Kupolë të Artë në Kiev
Presidenti ukrainas Volodymyr Zelensky ndryshoi ligjin në korrik, duke thënë se u lejon ukrainasve të “braktisin trashëgiminë ruse” të festimit të Krishtlindjeve në janar.
Në një mesazh për Krishtlindje të publikuar të dielën në mbrëmje, Zelensky tha se të gjithë ukrainasit tani janë bashkë.
“Ne të gjithë festojmë Krishtlindjet së bashku. Në të njëjtën datë, si një familje e madhe, si një komb, si një vend i bashkuar.”
Në kryeqytetin Kiev, çifti i martuar Lesia Shestakova, një katolike, dhe Oleksandr Shestakov, i cili është ortodoks, po festojnë së bashku Krishtlindjet.
REUTERS/ Brenda Katedrales së Shën Aleksandrit
Dyshja – të cilët deri më tani shënuan dy herë Krishtlindjet, me prindërit e tyre përkatës – morën pjesë në kremtimin e mëngjesit të së dielës në katedralen katolike të qytetit (foto më lart).
“Më në fund ka një ditë në Ukrainë që burri im dhe unë mund ta kalojmë së bashku në katedrale dhe falënderojmë Zotin që jemi bashkë, gjallë dhe me shëndet të mirë”, tha Lesia për agjencinë e lajmeve Reuters.
Kisha Ortodokse e Ukrainës (OCU), një kishë e pavarur e sapokrijuar që mbajti shërbimin e saj të parë në 2019, ka ndryshuar gjithashtu datën e saj të Krishtlindjeve në 25 dhjetor.
Ajo u shkëput zyrtarisht nga kisha ortodokse ruse për aneksimin e Krimesë nga Moska në 2014 dhe mbështetjen e saj për separatistët në Ukrainën lindore.
Njerëzit u lutën dhe ndezën qirinj në të gjithë vendin të dielën.
Në qytetin perëndimor të Lviv, i cili është dëmtuar pak nga lufta, fëmijët me kostume tradicionale kënduan këngë dhe morën pjesë në procesione festive në rrugë.
Fëmijët me rroba tradicionale ukrainase këndojnë këngë gjatë festës së Krishtlindjes në Lviv
Ukrainasit dekorojnë një pemë Krishtlindjesh pranë Sheshit të Pavarësisë në Kiev
Vitet e fundit shumë adhurues i janë bashkuar OCU, por miliona ende ndjekin Kishën Ortodokse Ukrainase (UOC) historikisht e lidhur me Rusinë, dhe kështu do të vazhdojnë të festojnë Krishtlindjet më 7 janar.
UOC thotë se në vitin 2022 u nda nga Moska për shkak të pushtimit të plotë të Ukrainës nga Rusia, megjithëse shumë njerëz mbeten skeptikë.
Dhe sigurisht që pritet të ketë mjaft ukrainas që do të festojnë dy herë – sa më shumë, aq më mirë.
Top Channel
English (US) ·