Kanye West dhe Bianca Sensori po shkojnë drejt divorcit pas 2 vitesh martesë

Kanye West dhe Bianca Sensori duket se po shkojnë drejt divorcit pas më pak se dy vitesh martesë.

Çifti – i cili u martua në dhjetor 2022 – po kalon një periudhë të vështirë, sipas TMZ.

Agjencia raportoi të hënën se reperi kontrovers dhe arkitekti 29-vjeçar i kanë thënë rrethit të tyre të ngushtë se janë ndarë disa javë më parë.

Sipas TMZ, muzikanti 47-vjeçar ka njoftuar njerëzit e afërt se ka në plan të divorcohet dhe të jetojë në Tokio. Ndarja e supozuar e shtyu Sensorin të kthehej në vendlindjen e saj Australi për të kaluar kohë me familjen dhe miqtë.

West ka bërë disa paraqitje solo në javët e fundit.

Në fillim të këtij muaji, muzikanti u pa në një restorant xhamajkan në kryeqytetin japonez. Thuhet se ai e vizitoi restorantin dy herë brenda një dite dhe e pëlqeu shumë ushqimin, saqë firmosi një nga muret e tij.

Hera e fundit që West dhe Sensori u fotografuan së bashku në publik ishte në shtator.

Paparazzi e kapi çiftin duke shkuar në një supermarket në Tokio me dy nga fëmijët e reperit më 19 shtator. Të nesërmen, çifti shkoi në pazar./vizionplus.tv

Bianca Censori wears signature see-through look while exploring Tokyo supermarket with Kanye West, his kids https://t.co/KLeB3rzuJ6 pic.twitter.com/rm4LVov6rE

— Page Six (@PageSix) September 20, 2024