Këngë apo podcast? Renis Gjoka zbulon projektin e ri pas përfundimit të “Ferma VIP”

Renis Gjoka pas përfundimit të edicionit të parë të “Ferma VIP” ka marrë kohën e nevojshme për t’u përkushtuar familjes dhe vetes së tij.

Artistin e dashur për publikun nuk e kemi parë shpesh nëpër intervista, pasi nëpërmjet rrjteve sociale këngëtari ka treguar se ka shijuar pushimet. Por, mesa duket tani ish-fermeri ka lënë pas pushimet dhe i është rikthyer punës së tij.

Renisi ka publikuar një foto në llogarinë e tij në “Instagram” ku shkruan: Kthehemi në punë! Zëri i ndërgjegjes: Boll bërë pushime

Në foton e publikuar duket sikur këngëtari po përgatit një këngë të re për publikun, por nuk ngelet pas dhe mundësia për një podcast, pasi ish-fermeri ka pasur më parë një projekt të tillë.

Kujtojmë se dhe gjatë fermës, Renisi realizonte podcast-e së bashku me blogeren Ditea. Ai gjithashtu ka thënë se pasi të mbyllte eksperiencën e izolimit në fermë do të vazhdonte të punonte për një këngë të papërfunduar./vizionplus.tv