Këngëtari i njohur njofton kandidaturën për president të SHBA-ve

Alice Cooper ka nisur fushatën e tij të re për presidencën e Shteteve të Bashkuara, duke deklaruar kandidaturën e tij për zgjedhjet e vitit 2024. Satiristi veteran i rock-ut ka kandiduar për president çdo katër vjet që nga viti 1972.

Në moshën 76-vjeçare, Cooper do të jetë më i riu nga kandidatët aktualë Joe Biden dhe Donald Trump. Ai do të jetë gjithashtu i vetmi i nominuar që përfshihet në Rock & Roll Hall of Fame.

Alice Cooper nisi fushatën e tij të parë në 1972 pas publikimit të këngës së tij tashmë klasike ‘Elected’, në videoklipin e së cilës ai shpalli kandidaturën e tij.

Mbështetësit mund të vizitojnë AliceForPresident.com për t’u regjistruar në The Wild Party dhe për të qëndruar të përditësuar mbi fushatën presidenciale në vazhdim të Alice Cooper dhe për të marrë njoftime për ngjarjet, mitingjet virtuale dhe debatet me kandidatin. /vizionplus.tv