.png){kind=spacer}
1 month ago
31
Më tepër se 32.4 miliardë udhëtime ndërrajonale u bënë në Kinë gjatë gjysmës së parë të këtij viti, 7.4 për qind më shumë se në të njëjtën periudhë të një viti më parë, treguan të dhënat nga Ministria e Transportit të premten.
Sektori i transportit i Kinës është përgjithësisht i qëndrueshëm dhe ka vazhduar të mëkëmbet gjatë periudhës janar-qershor, tha ministria në një deklaratë të publikuar në uebsajtin e saj.
Sipas saj, vëllimi i përpunimit të ngarkesave në portet e vendit gjatë kësaj periudhe u rrit 4.6 për qind, duke arritur në 8.56 miliard tonë, nga të cilat përpunimi i mallrave të tregtisë së jashtme u shtua 8.8 për qind.
Gjatë 6-mujorit të parë, portet kineze trajtuan 160 milionë kontejnerë standardë, 8.5 për qind më shumë se gjatë periudhës së gjashtë muajve të parë të vjetshëm.
Investimet në pasuri fikse të vendit në sektorin e transportit arritën në 1.7 trilionë juanë (rreth 238.53 miliardë dollarë amerikanë) gjatë periudhës janar-qershor. cri
English (US) ·