Kthjellime dhe vranësira, por temperaturat do vijojnë të jenë të larta, parashikimi i motit për këtë të dielë

Vendi ynë do të vijojë të jetë edhe sot në ndikim të kushteve atmosferike relativisht të qëndrueshme.

Sipas SHMU, moti parashikohet të jetë me kthjellime si dhe alternime vranësirash mesatare e kalimtare. Temperaturat më të larta do të regjistrohen në Elbasan e Berat, ku termometri do të shënojë 35 gradë celcius, ndërsa Tirana, Lezha, Durrësi e Gjirokastra do të kenë temperatura maksimale 34 gradë celcius.

Era do të fryjë kryesisht me drejtim verilindje-veriperëndim me shpejtësi mesatare 1-7m/s, ndërsa në male, lugina dhe bregdet do të fitojë shpejtësi 8-14m/s shoqëruar me dallgëzim të forcës 1-2ballë.