Lufta hyn në vitin e dytë, NATO dhe Ukraina “bëhen bashkë” javën e ardhshme

Ambasadorët e Ukrainës dhe vendeve anëtare të NATO-s do të takohen në Bruksel të mërkurën me kërkesë të Kievit, i cili po kërkon më shumë mbrojtje ajrore pas sulmeve të fundit ruse.

Ky takim, në formën e Këshillit të sapoformuar NATO-Ukrainë, i cili u vendos nga Sekretari i Përgjithshëm i NATO-s Jens Stoltenberg me kërkesë të Kievit, pason sulmet e fundit ruse me raketa dhe dron kundër civilëve ukrainas.

“Vendet e NATO-s kanë furnizuar tashmë sasi të konsiderueshme të sistemeve të mbrojtjes ajrore në Ukrainë dhe janë të përkushtuara për të forcuar më tej mjetet e mbrojtjes së Ukrainës”, tha zëdhënësi i aleancës Dylan White.

Rusia nisi ditët e fundit një nga sulmet më të mëdha me raketa dhe dron kundër Ukrainës që nga pushtimi i saj më 24 shkurt 2022.

Përballë këtyre sulmeve, Kievi po kërkon më shumë mbrojtje ajrore, raketa dhe drone nga aleatët e tij perëndimorë, por ata po përpiqen të përgjigjen.

Ndihma ushtarake nga Shtetet e Bashkuara është ende e bllokuar nga Kongresi amerikan për shkak të hezitimit të ligjvënësve republikanë. /vizionplus.tv