Ndodh edhe kjo në Euro 2024, sulmuesi i Gjermanisë bën tifozin për spital: Këndova himnin në barelë

Një incident i pazakontë ndodhi në Euro 2024, kur një tifoz gjerman theu dorën kur u godit nga një goditje nga sulmuesi Niclas Füllkrug në stërvitjen para ndeshjes hapëse midis Gjermanisë dhe Skocisë.

“Përfundova duke kënduar himnin në barelë dhe nuk dija nëse të qeshja apo të qaja. Më duhej të hiqja dorë nga ëndrra ime për të parë ndeshjen hapëse. Por jo çdo ditë pëson një frakturë nga një goditje Füllkrug”, tha tifozi në një prononcim të publikuar këtë të martë nga gazeta ‘Bild’.

Federata Gjermane e Futbollit (DFB) ka konfirmuar ndërkohë incidentin e zbuluar fillimisht nga ‘Bild’. Tifozi ishte në rreshtin e parë pas portës dhe gjuajtja e Füllkrug ishte aq e fortë sa u desh të dërgohej në spital.

Si ngushëllim, Füllkrug i ka dërguar një fanellë të firmosur dhe një mesazh faljeje. /vizionplus.tv