Plagoset rëndë një minator në Bulqizë, niset me urgjencë drejt Traumës

Ngjarja është pikasur nga kolegët e tjerë të cilët kanë bërë të mundur nxjerrjen e Bilal Sulë me detyrë armator. Ata kanë njoftuar ambulancën dhe e kanë dërguar drejt spitalit të Bulqizës 55-vjeçarin, ku dhe ka marrë ndihmën e parë.

Sipas mjekëve të këtij spitali, bëhet me dije se i aksidentuari kishte dëmtime në kokë dhe në krahë dhe kjo i ka detyruar ta nisin me ambulancë drejt Spitalit të Traumës së Tiranës.

Ndërkohë, policia lokale dhe grupi hetimor kanë nisur hetimet rreth kësaj ngjarjeje.

Disa punëtorë janë lënduar gjatë punës që nga nisja e këtij viti.

Top Channel