Putin emëron ish-truprojën e tij sekretar të Këshillit të Shtetit

Alexey Dyumin, një ish-truproje i presidentit rus Vladimir Putin, i cili së fundmi u emërua si ndihmës në Kremlin, u emërua sekretar i Këshillit të Shtetit të mërkurën.

Emërimi i Dyumin në këshill, një bord këshillues i përbërë nga guvernatorë, parlamentarë të lartë, kryeministra dhe zyrtarë të tjerë rajonalë, është një tregues i ri i ndikimit të tij në rritje në Kremlin.

Këshilli i Shtetit, megjithëse nuk është aq i fuqishëm sa Këshilli i Sigurimit, ka një prani të konsiderueshme publike që analistët thonë se Putini po e përdor për të krijuar mbështetje midis zyrtarëve rajonalë dhe elitës së biznesit.

Kremlini njoftoi emërimin e Dyumin pa detaje të mëtejshme, njoftoi redaksia në gjuhën angleze e Radios Evropa e Lirë.

Pesëdhjetë e dy vjeçari Dyumin ishte guvernatori i rajonit Tula, ku ndodhen një numër i konsiderueshëm i kompanive të mbrojtjes. Ai u emërua si ndihmës i Putinit në fillim të këtij muaji, kur pati ndryshime të mëdha në postet e larta në Ministrinë e Mbrojtjes dhe Këshillin e Sigurimit.

Dyumin ka punuar më parë si truprojë e Putinit si një anëtar i Shërbimit të fuqishëm Federal të Sigurisë, ekuivalenti rus i Shërbimit Sekret Amerikan. /vizionplus.tv