Rupert Murdoch, manjati i medias martohet për herë të pestë në moshën 93-vjeçare

Manjati i medias Rupert Murdoch është martuar për herë të pestë në një ceremoni në në Kaliforni.

Murdoch, 93 vjeç, u martua të shtunën me gruan e tij të re Elena Zhukova, 67 vjeç, një biologe ruse në pension. Ai u përfol se do të takohej me zonjën Zhukova menjëherë pasi fejesa e tij me ish-kapelenen e policisë Ann Lesley Smith u ndërpre papritmas në prill 2023.

Murdoch me origjinë australiane, i cili ka gjashtë fëmijë, është kryetar emeritus i News Corporation, i cili zotëron Fox News, Wall Street Journal, Sun dhe Times.
Ai dha dorëheqjen si kryetar i Fox dhe News Corp vitin e kaluar, duke lënë djalin e tij Lachlan në krye të të dy kompanive.

Murdoch dhe zonja Zhukova thuhet se janë takuar në një festë të organizuar nga një prej ish-gruas së tij, sipërmarrësja me origjinë kineze, Wendi Deng.
Ish-bashkëshortët e tjerë të tij janë stjuardesa australiane Patricia Booker, gazetarja me origjinë skoceze Anna Mann dhe modelja dhe aktorja amerikane Jerry Hall.

Zonja Zhukova ishte e martuar më parë me miliarderin rus të naftës Alexander Zhukov, ndërsa vajza e tyre Dasha – një socialite dhe biznesmene – ishte e martuar me oligarkun rus Roman Abramovich deri në vitin 2017.

Rupert Murdoch filloi karrierën e tij në Australi në vitet 1950 – duke blerë përfundimisht gazetat News of the World dhe Sun në MB në 1969.Më vonë ai bleu një numër botimesh amerikane, duke përfshirë New York Post dhe Wall Street Journal. Në vitin 1996, ai lançoi Fox News – tani kanali televiziv më i shikuar i lajmeve në SHBA.

Përmes News Corp, e cila u themelua në vitin 2013, zoti Murdoch mbetet pronar i qindra mediave lokale, kombëtare dhe ndërkombëtare.

Karriera e tij nuk ka qenë pa polemika. Një nga momentet e tij më të dëmshme ishte skandali famëkeq i hakimit të telefonit në Mbretërinë e Bashkuar, që shpërtheu pasi u zbulua se News of the World kishte dëgjuar postat zanore të nxënëses së vrarë Milly Dowler.

Shtatorin e kaluar, zoti Murdoch njoftoi se po tërhiqej nga roli kryesor në perandorinë e tij mediatike – duke i dhënë frenat djalit të tij Lachlan dhe më vonë duke marrë rolin e Kryetarit Emeritus të Fox dhe News Corp./vizionplus.tv