Rusia nis stërvitjen bërthamore, armët taktike atomike vendosen në kufi me Ukrainën

Ashtu siç kishte paralajmëruar disa javë më parë presidenti Vladimir Putin, Rusia ka nisur stërvitjen bërthamore pranë kufirit me Ukrainën.

Forcat ruse kanë nisur përdorimin e armëve taktike në përgjigje të asaj që Moska e ka konsideruar si kërcënim nga vendet perëndimore për përfshirje më të madhe në konflikt.

Ministria ruse e mbrojtjes publikoi pamjet ku shfaqeshin kamionë që transportonin raketa në një fushë të gjerë ku janë përgatitur sistemet e lëshimit.

Stërvitja po zhvillohet në një rrethinë jugore të Rusisë e cila kufizohet me Ukrainën dhe përfshin edhe pjesë territori që po pushtohen.

Ministria sqaroi se në fazën e parë të stërvitjes do të provohet ngarkimi i mjeteve lëshues, zgjedhja e objektivave ku do të lëshohen dhe pajisjet e avionëve me raketa hipersonike.

Ndryshe nga armët strategjike, të cilat kanë qenë subjekt i marrëveshjeve të kontrollit të armëve midis Rusisë dhe SHBA-së, armët taktike nuk janë kufizuar kurrë nga ndonjë pakt i tillë dhe Kremlini nuk ka dhënë kurrë detaje rreth tyre.

Kërcënimet e Putin për përdorimin e armëve bërthamore janë përsëritur disa herë gjatë muajve të fundit pasi presidenti francez Emnauel Macron paralajmëroi futjen e trupave europiane në fushë betejën e Ukrainës. /vizionplus.tv