Sulmohet centrali bërthamor, Rusia dhe Ukraina akuzojnë njëra-tjetrën për ngjarjen

Agjencia ndërkombëtare për energjinë atomike ka ngritur alarmin për rrezikun e një aksidenti bërthamor në centralin e Zaporizhias në Ukrainë.

Shqetësimet u rritën pas një sulmi me dron në këtë termocentral, përgjegjësinë e të cilit ukraina dhe rusia po ia kalojnë njëra-tjetrës.

Shefi i agjencisë së kombeve të bashkuara për energji atomike, tha se sulmi ishte i pamatur dhe përbënte një përshkallëzim masiv të sigurisë bërthamore.

Ai ka paralajmëruar se asnjëra nga palët nuk do të përfitonte prej sulmeve në objekte të tilla./Vizionplus.tv/