Trump, me një kalendar të ngarkuar ligjor dhe zgjedhor ndërsa marshon drejt nominimit nga Partia Republikane

6 months ago 21

Reklamë

Donald Trump po përballet me një plan të ngjeshur gjykatash dhe fushatash, ndërsa mbrohet në disa çështje penale dhe gjithashtu konkurron për një mandat tjetër në Shtëpinë e Bardhë.

Ish-presidenti Donald Trump do t’i bëjë ballë zgjedhjeve paraprake republikane me tre gjykime të mundshme.

Gjyqi i parë penal i ish-presidentit do të zhvillohet më vonë këtë muaj në një sallë gjyqi në Nju Jork, ku ai përballet me akuza që rrjedhin nga falsifikimi i supozuar i të dhënave të biznesit me qëllim të fshehjes së sjelljes së paligjshme të lidhur me fushatën e tij presidenciale të 2016-ës.

Data e fillimit të gjyqit në çështjen e dokumenteve të klasifikuara të Trump në Florida ishte caktuar për në fund të majit, por gjyqtarja që mbikëqyrte atë çështje rishikoi kohën e gjykimit më 1 mars. Ajo nuk ka caktuar ende një datë të re për gjyqin. Dhe së treti, Prokurorët për çështjen e ndërhyrjes në zgjedhje të ish-presidentit Donald Trump në Xhorxhia, kanë propozuar fillimin e gjyqit në gusht.