.png){kind=spacer}
Rusia është një çështje për t’u trajtuar për sa kohë që udhëhiqet nga Vladimir Putin, ka thënë ish-kryetarja e Dhomës së Përfaqësuesve të Shteteve të Bashkuara të Amerikës, Nancy Pelosi.
Në një intervistë për Sky News, zonja Pelosi tha se “vrasja e Alexei Navalny është një gjë e tmerrshme për të ndodhur”.
Ish-zyrtarja amerikane e përshkroi vdekjen e tij si “një atentat të llogaritur që përputhej me Konferencën e Sigurisë së Mynihut”.
E ndalur te figura e Putinit, Pelosi tha se “ai është thjesht një njeri shumë i keq”.
“Unë do të shpresoja se do të kishte një njohje që edhe kur Ukraina të fitojë këtë luftë – të cilën ata duhet dhe ne duhet t’i ndihmojmë ta bëjnë këtë – që nëse Putini është ende pranë, Rusia do të duhet të trajtohet ende“- tha Pelosi, duke u kërkuar kolegëve të nisin përgatitjet.
“Ne do të gjejmë një rrugë për t’i dërguar këto para,” shtoi Pelosi, duke iu drejtuar paketës së ngecur aktualisht të ndihmës për Ukrainën.
Top Channel
English (US) ·