Vrau me armë xhaxhanë dhe nipin pas sherrit për fëmijët, ky është autori i krimit që tronditi Roskovecin

Gazetari i Vizion Plus, Esido Barkaj, ka siguruar foton e Altin Kukës, autor i dyshuar i vrasjes së dyfishtë në fshatin Kurjan të Roskovecit.

Altin Kuka

Dyshohet se Kuka, 49 vjeç, vrau me armë zjarri Lavdimir Kurtaj dhe Gramoz Kurtaj.

Lexo edhe :

Related Posts

Mësohet se viktimat janë xhaxha dhe nip.

Autori është vënë në pranga menjëherë pas ngjarjes, teksa i është sekuestruar edhe arma e krimit.

Ndërkohë nga të dhënat e para dyshohet se shkak është bërë një konflikt mes fëmijëve.

“Rreth orës 14:00, në fshatin Kurjan, Roskovec, në rrethana ende të paqarta, shtetasi A. K., 49 vjeç, dyshohet se ka vrarë me armë zjarri, shtetasit L. K. dhe G. K.

Shërbimet e Policisë po shoqërojnë në Komisariat, autorin e dyshuar të ngjarjes, shtetasin A. K.

Gjithashtu, shërbimet e Policisë kanë sekuestruar armën e dyshuar të krimit (armë zjarri automatike)”, njoftoi policia.

Grupi hetimor po punon për sqarimin e plotë të rrethanave dhe dokumentimin ligjor të kësaj ngjarjeje./vizionplus.tv