Zbulohen pesë lloje të reja iriqësh me gëzof të butë

Shkencëtarët kanë zbuluar pesë lloje të reja iriqësh me gëzof të butë nga Azia Juglindore.

Zbulimi erdi pas zhvillimit të disa misioneve shkencore në shtëpinë e pyjeve tropikale.

Studiuesit gjithashtu rivlerësuan ekzemplarët e gjitarëve që kishin qenë në koleksionet muzeale për dekada.

Ky studim i detajuar biologjik zbuloi se dy nga kafshët në muze ishin specie të reja për shkencën.

Tre të tjera, që ishin kategorizuar si nëntipe të një specie, u konfirmuan se ishin mjaft të dallueshme nga njëra-tjetra për t’u njohur zyrtarisht si specie individuale.

Një nga kërkuesit kryesorë, Dr Melissa Hawkins, nga Muzeu Kombëtar i Historisë Natyrore Smithsonian (SMNH), i tha BBC News se zbulimi tregoi diversitetin “të mahnitshëm” të jetës në planetin tonë ende për t’u zbuluar.

“Ne mendojmë se dimë për botën natyrore,” tha Dr Haëkins, “por edhe grupe si gjitarët, veçanërisht për ata të vegjlit që jetojnë në habitate të vështira për t’u arritur, ne nuk dimë asgjë.”

Çfarë janë iriqët me gëzof të butë

Kafshët i përkasin një grupi iriqësh të quajtur Hylomys, të cilët jetojnë të gjithë në Azinë Juglindore. Më parë kishte vetëm dy lloje të njohura, dhe ky zbulim e çon numrin në shtatë.

Ata janë gjitarë të vegjël me hundë të gjatë dhe, ndërkohë që janë anëtarë të së njëjtës familje me iriqin më të njohur, janë me gëzof dhe jo me gjemba.

Dr Arlo Hinckley, gjithashtu nga SMNH, tha se një zbulim si ky ishte “veçanërisht i rëndësishëm në Azinë Juglindore, e cila ka shkallën më të lartë të shpyllëzimit në botë”./vizionplus.tv