10 të vdekur si pasojë e motit të keq në Bangladesh

Të paktën 10 njerëz u vranë pasi cikloni Remal goditi brigjet e Bangladeshit, tha Ministri i Shtetit për Menaxhimin e Fatkeqësive dhe Ndihmën Md Mohibur Rahman.

“Ne kemi kuptuar se 10 njerëz u vranë në gjashtë rrethe bregdetare për shkak të stuhisë ciklonike”, tha zyrtari në një konferencë për shtyp në kryeqytetin Dhaka.

Miliona njerëz në 19 rrethe të Bangladeshit janë prekur nga stuhia e fuqishme, tha ai, duke shtuar se gjithsej 148,533 shtëpi u dëmtuan plotësisht ose pjesërisht.

Sipas tij, afro një milion njerëz u evakuuan, disa orë përpara se cikloni të arrinte në tokë.

Energjia elektrike u ndërpre në shumë zona të goditura nga ciklonet. Qytetet duke përfshirë kryeqytetin Dhaka përjetuan shi dhe erëra të furishme.

Vijat bregdetare të Bangladeshit janë goditur nga erërat e egra, të cilat shkulën pemë dhe shtëpi, shkatërruan çatitë e ndërtesave dhe shkaktuan ndërprerje të gjera të energjisë dhe ujit.

Argjinaturat e mbrojtjes nga përmbytjet thuhet se u dëmtuan në pjesë të rajoneve jugore dhe juglindore të vendit, të cilat u goditën rëndë nga cikloni.

Për shkak të ciklonit u ndërpreu trafiku hekurudhor, rrugor dhe ajror.