Aksidentoi për vdekje të moshuarin, arrestohet 41-vjeçari në Elbasan

Një 41-vjeçar ka rënë në pranga në Elbasan, pasi aksidentoi për vdekje një të moshuar ditën e djeshme.

Sektori i Qarkullimit Rrugor arrestoi në flagrancë shtetasin E. H., 41 vjeç, pasi ditën e djeshme, në rrugën “Qemal Stafa”, me automjetin që drejtonte, ka përplasur shtetasin H. M., 94 vjeç, këmbësor. Si pasojë, shtetasi H. M. ka humbur jetën në spital.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Elbasan, për veprime të mëtejshme.