Alarmohet policia e Kosovës, një valixhe e dyshimtë në oborrin e Komunës së Mitrovicës

Një valixhe në oborrin e Komunës së Mitrovicës ka ngritur në këmbë autoritetet e Kosovës.

Pas marrjes së njoftimit, policia ka shkuar menjëherë në vendin e ngjarjes dhe ka bërë të mundur kontrollin e valixhes.

Sipas zëdhënësit të Policisë për rajonin e Mitrovicës, Avni Zahiti, në valixhe nuk u gjet asnjë gjë e dyshimtë, ndërsa mësohet se pas këtij verifikimi, është bërë e mundur edhe hapja e rrugës për qarkullim.

“Pas informatës se pranuar, policia ka ndërmarrë  të  gjitha veprimeve të nevojshme si dhe kontrollin e detajuar të valixhes që i ështe bërë nga  ana e njësive të specializuara për menaxhimin me mjetet shpërthyese, ka rezultuar se  ne valixhe  nuk ka të  bëjë me ndonjë  gjë të  dyshuar”, tha Zahiti.