Albana Volshi kërkon informacion nga Albana Koçiu: Urgjenca në QSUT jashtë funksionit, s’mund të presim javën tjetër

Sot u zhvillua Komisioni për Çështjet Sociale dhe Shëndetësonë.

Deputetja Albana Vokshi kërkoi që anëtarët e komisionit të informohen më shumë lidhur me zjarrin e 11 shkurtit që shpërtheu në Urgjencën e QSUT-së, pasi ende dhe sot është jashtë funkionit.

Vokshi kërkoi që prezente në Komison të jetë edhe ministrja e Shëndetësisë, Albana Koçiu, për të dhenë sqarime për zjarrin e shkurtit.

Vokshi tha se është hapur një tender me vlerë 300 mijë euro për të kthyer në funksion urgjencën, ndërsa ende nuk ka shkaqe për zjarrin.

“Të vijë ministrja bashkë me drejtoreshën e QSUT dhe të raportojnë për zjarrin dhe ende nuk dimë se ca ndodh atje. Duhet ta kishim këtu që ditën e parë. Ka dy muaj që nuk funksionin, a ju vret ndërgjegjja.në duhet të kemi iformacione se si po shkojnë hetimet, cilat apartura janë dëmtuar.  Komisioni nuk është këtu për ti bërë hije ministres, as që të bëheni zëdhënës, është check and balance…Duhet këtu të raportohet, përse ka ndodhur, a ka pasur përkeqësim të Shëndetit, a është bërë hetim klinik. Kërkojmë që ministrja dhe drejtoresha të vijnë menjëherë në Komision. Ajo që ka ndodhur te urgjenca është shkak i vjedhjes”, tha Vokshi.